छवि व्यानरमा रेखा आउट, आर्यन ईन

पुरा भिडियो हेर्न तलको बक्समा क्लिक गर्नु होला

नायक आर्यन सिग्देल चलचित्र ‘कसले चोर्‍यो मेरो मन पश्चात’ चर्चित निर्माता छविराज ओझाको क्याम्पमा प्रवेश गर्ने सम्भावना बढेको छ । आर्यन छविराज प्रोडक्शनको व्यानरमा तयार हुन लागेको नयाँ चलचित्र ‘लोफर मार्फत’ यो क्याम्पमा पुनः प्रवेश गर्न लागेको खबर प्राप्त भएको छ ।नायिका रेखा थापासँग सम्बन्ध चिसिएपछि आर्यन छवि क्याम्पबाट टाढिएका थिए । यसपश्चात रेखा र आर्यनको बोलचाल समेत बन्द भएको छ । सुरुवातमा चलचित्र ‘हमेशा’ मा आर्यनले काम गर्ने कुरा समेत चलेको थियो । तर चलचित्र ‘हमेशा’ को प्रदर्शन अघि र प्रदर्शन पश्चात सर्वाधिक विवादमा परेपछि छविले रेखालाई आफ्नो क्याम्पबाट हटाउने सोचाई बोकेका हुन् । संचारमाध्यममा विवादित बयान दिदै पत्रकार कुट्दै हिडेपछि रेखा विवादमा फसेकी थिइन् । रेखा थापालाई सिनेमामा लिदा नाफा भन्दा विवादमा धेरै परेपछि छविले उनकै दुश्मन आर्यन सिग्देललाई आफ्नो क्याम्पमा भित्राउने सोचाई बोकेका हुन् । श्रोतका अनुसार आर्यन अहिले ‘लोफर’ को स्त्रिmप्ट पढिरहेका छन् । ‘सम्भवतः आर्यन केही दिन भित्रै छविको सिनेमामा अनुवन्धित हुन्छन’्, श्रोतले अनलाइनखबरलाई भन्यो । नायिका रेखा थापासँग सम्बन्ध चिसिएपछि आर्यन उनीसँग टाढा बस्दै आएका थिए । ‘हमेशा’ लाई रेखा फिल्मस् सँगको जोइन्ट भेन्चरमा निर्माण गरेका छविले ‘लोफर’ भने छविराज प्रोडक्शनबाट सोलो निर्माण गर्दै छन् । चलचित्रमा दयाहाङ राइले पनि अभिनय गर्ने पक्का भएको छ । चलचित्रको छायांकन केही दिनमै सुरु गर्ने योजनमा निर्माता छविराज ओझा छन् । छविराज प्रोडक्शनमा आर्यन सिग्देल प्रवेश गरेको खण्डमा यो रेखाका लागि ठूलै झापड हुने पक्का छ । बिबादित बयानका कारण आफ्ना निकट साथीभाइसँग समेत टाढिएकी रेखा छविराज प्रोडक्शनमा आर्यनको प्रवेश सँगै निर्माता छविराज ओझासँगको व्यवसायिक सम्बन्धबाट पनि टाढा हुने धेरैको अड्कल छ ।
पुरा भिडियो हेर्न तलको बक्समा क्लिक गर्नु होला

Category: Gossip