चुहियो जीवनको ‘नोटबुक’ रहस्य

पुरा भिडियो हेर्न तलको बक्समा क्लिक गर्नु होला

सिनेमा चल्नका लागि कथावस्तु र गीतसंगीत राम्रो हुनुपर्छ भन्ने उदाहरण यो बर्ष प्रदर्शनमा आएका सिनेमाले प्रस्तुत गरेका छन् । यही क्रममा शुक्रबार अर्थात चैत्र ३० गतेबाट प्रदर्शनमा आउन लागेको चलचित्र ‘नोटबुक’ गीतसंगीतकै कारणले चर्चामा छ ।चलचित्रको निर्माण युनिटले सिनेमाको गीतसंगीतलाई मात्र प्राथमिकता दिइरहेको समयमा यसको कथावस्तुको रहस्य चुहिएको छ । नायक जीवन लुइटेलले चलचित्रमा आफ्नो भुमिका सन्देशसँगै मनोरञ्जन दिने खालको रहेको बताएका छन् । अनलाइनखबरसँगको कुराकानीमा जीवनले भने, ‘नोटबुक’ राष्ट्रियता र प्रेमलाई बोकेको सिनेमा हो, जहाँ मैले पेट्रोलको बिकल्प खोज्ने एक युवकको भुमिका निर्वाहा गरेको छु ।’ चलचित्रमा आफुले देखेको नयाँ नेपालको सपना ‘नोटबुक’ मा उतार्ने जीवनको भनाई छ । उनले भने, ‘सोही नोटबुक हेरेर नायिका म प्रति आकषिर्त हुन्छिन् ।’ चलचित्रको गीतसंगीत, कथा, छायांकन सबै उत्कृष्ट भएकाले व्यापारिक रुपमा सफल हुनेमा नायक लुइटेल ढुक्क छन् । उनले भने, ‘यो मेरो जीवनमै संझनलायक सिनेमा मध्येको एक हो ।’ योगेश घिमिरेको निर्देशनमा तयार भएको यो सिनेमा शुक्रबार अर्थात चैत्र ३० गतेबाट प्रदर्शनमा आउँदैछ । चलचित्रमा सेन सापकोटाले पनि अभिनय गरेका छन् । बसन्त सापकोटाले संगीत भरेको यो चलचित्रको ‘गाला रात्तै’, ‘मायाको भुलभुलैया’ बोलको गीत अहिले सर्वाधिक चर्चामा छ । पुर्वका विभिन्न स्थानमा छायांकन गरिएको सिनेमाको दृश्यले अहिले दर्शकको मन छोएका छन् । यसैले पनि ‘नोटबुक’ व्यापारिक रुपमा सफल हुनेमा धेरै चलचित्रकर्मी विश्वस्त छन् ।
पुरा भिडियो हेर्न तलको बक्समा क्लिक गर्नु होला

Category: Gossip