नितालाई देखेपछि दर्शकले भने, ‘गाला रात्तै’

पुरा भिडियो हेर्न तलको बक्समा क्लिक गर्नु होला

चलचित्र ‘नोटबुक’ को युनिटले सिनेमाको प्रचारका लागि नयाँ नयाँ उपाय अपनाइरहेको छ । केही दिन अघि निर्देशक योगेश घिमिरेले गोपीकृष्ण हलमा पुगी दर्शकलाई सिनेमाको अडियो वितरण गरेका थिए ।वुधबार भने चलचित्रका कलाकार र निर्माण युनिटले दर्शकसँग सिनेमाको बारेमा अन्र्तक्रिया कार्यक्रम आयोजना गरेको छ । काठमाण्डौको गोपीकृष्ण हलमा गरिएको कार्यक्रममा नायक जीवन लुइटेल, नव नायक सेन सापकोटा, नायिका निता ढुंगाना, निर्देशक योगेश घिमिरे, निर्मात्री प्रज्ञा जोशी पुगेका थिए । नायक जीवन लुइटेल र नायिका निता ढुंगानालाई आफ्नै अगाडी देखेपछि दर्शकहरुले ‘गाला रात्तै’ बोलको गीत गाएका थिए । दर्शकको माया पाएर नायक लुइटेल र नायिका ढुंगाना निक्कै खुशी देखिए । नायक जीवन लुइटेलले दर्शकलाई आफ्नो हस्ताक्षर सहितको नोटबुक वितरण गरेका थिए । दर्शकसँग कुरा गर्दै नायिका निता ढुंगानाले ‘नोटबुक’ आफ्नो करिअरकै ट्रनिङ पोइन्ट भएको बताइन् । यस्तै नायक जीवन लुइटेलले ‘नोटबुक’ आफ्नो करिअरकै उत्कृष्ट सिनेमा भएको जानकारी दर्शकलाई दिएका थिए । चैत्र ३० गतेबाट प्रदर्शनमा आउन लागेको यो सिनेमा अहिले सर्वाधिक छ । चलचित्रका गीतसंगीतले दर्शकलाई वाधेका छन् । ‘नोटबुक’ को नयाँ नयाँ प्रचारको फण्डाले उक्त मितिमा प्रदर्शनमा आउन लागेको चलचित्र ‘हमेशा’ ओझेलमा परेको छ ।
पुरा भिडियो हेर्न तलको बक्समा क्लिक गर्नु होला

Category: Gossip